‘Tot hie en nie vêderie’

Joan van Dyk

Plataan KafeeNathan Trantraal hou nie van die Groot Verseboek nie.

Nathan Trantaal 01.jpg
Nathan Trantraal by die Ingrid Jonker Prysoorhandiging op 6 Maart. FOTO: Joan van Dyk

“This is not a book that should be set aside lightly, it should be hurled in full force across the room,” het hy hom in Dorothy Parker se woorde daarteen uitgespreek. Ironies is die kanse goed dat hy daarin opgeneem sal word.

“Geluk Nathan, smaak my jy’s nou in jou kanon in,” het mededigter Danie Marais by die oorhandigingseremonie gespot. Trantraal het die Ingrid Jonker-prys vir 2015 gewen vir sy debuutbundel Chokers en Survivors. Die prys is hierdie jaar vir die eerste keer by die Woordfees oorhandig.

Volgens Trantraal stagneer Afrikaanse letterkunde stagneer.“’n Goeie begin sal wies vi Afrikaanse digters om op te hou skryf oo hulle katte, die natuur en koerantberigte. Hulle kyk te veel terug as hulle skryf en skryf in patrone soes Eugène Marais, Opperman en van Wyk Louw. Asof hulle dink is disrespectful om jou eie ideas te het.”

Sy gunsteling digter is T.S. Eliot, wat berug is vir sy ontoeganklikheid. “As ‘n mens Eliot se gedigte uitfigure, dan skrik jy vi hoe brilliant it is, maa as ek finally ytfigure waaoo ‘n Afrikaanse gedig gan, haat ek dit gewoonlik nog meer.”

My ma het my gelee ommie sentimental te wiesie,” dig Trantraal in “Hammie”. Hy verpes sentimentaliteit. “Dit maak dat ek wil puke. Sentimental gedigte of skrywe create lesers met pap brains.”

Hy sê hy gaan dié les ook aan sy dogtertjie, Seymour, oordra. “Ek dink is belangrik in order om ’n gesonde mens te wies dat jy die wêreld moet kan sien vi wat dit regtig is.”

Oor die opname van Kaaps in woordeboeke sê hy: “Ek het ‘n gevoel Kaaps hoefie mee te veel te worry oo inklusiwiteiti.  Die akademici besef al hoe meer dat hulle Afrikaans an Kaaps gan moet heg in order om te survive. Ek dink die dokumentering van Kaaps sal help om dit te stabilise en Kaapse writers help om te skryf, it voel vi my elke kee as iemand ’n boek in Kaaps skryf moet hy ees ytfigure hoe skryf mens Kaapse woorde.”

Trantraal se vrou, Ronelda S. Kamfer, ook ’n bekroonde digter, noem sy bundel groundbreaking”. Sy sê sy was verras dat hy nie al die pryse gewen het vir die literêre jaar nie.

“Dit gaan baie inspiring wees vir ander mense wat insecure is oor waarvandaan hulle kom, of dat hulle arm is, of wat shame het oor hulle nie ‘proper’ Afrikaans kan praat nie,” sê Kamfer.

Sal hy ’n kopie van die Groot Verseboek koop as hy daarin gepubliseer word?

“Net as hulle al die anne digters uithaal.”

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s